وضاع عمرى

سنين مرت وراها سنين
بسرعه ازاي مش عارفين
بتجري ومحلنا واقفين
مفتوحه عنينه ومش شايفين
ولابامرك ولا بامرى
نقول يا خساره ضاع عمري

سنين تجري وانا بجري
وقطرها ماشي مجري
وبقول للضحكه طال هجري
ونشف العود علي شجري
وضاع عمري

نبص في مرايه
ونغني غنوايه
وضحكه بسمايه
وقصه وحكايه
وتوته حدوته
تنفض ملتوته
وضاع عمري

اه منك يا زمن غدار
شربتنا من المر مرار
فهمتنا الناس ابرار
وفاجئتنا بخاينين اشرار
ولا قلتلي اتقي شري
وسيبتني يضيع عمري
وضاع عمري